Само во првата недела од февруари, новиот систем за камери низ Македонија открил илјадници прекршоци. Интересно е што над 600 казни се изречени на возила со странски таблички, а над 280 граѓани веднаш добиле забрана за управување со возило поради сериозноста на прекршоците. Секојдневно се запишуваат прекршоци од Сејф Сити најмногу за брзо возење или возење без возачка дозвола. МВР најави и пуштање на камерите во Охридскиот и Струшкиот регион каде што ќе се стават по 20 камери во Охрид и 20 камери во Струга и дека ќе бидат пуштени во употреба пред почетокот на летната сезона.