Загреб одговори на препораката на Белград Србите да не патуваат во Хрватска.„Хрватска е членка на ЕУ, НАТО и Шенген зоната и, според Евростат, е една од најбезбедните земји во Европа“, објави Министерството за надворешни и европски работи (MVEP) на Хрватска, реагирајќи на препораката на Србија до нејзините граѓани да патуваат во Хрватска само во случаи на крајна потреба.
Додаваат дека Хрватска пречекува милиони посетители секоја година и постојано бележи одлични туристички сезони.Според српските власти, Албанија е дозволена за патување, но со дополнителни мерки на претпазливост. Бугарија е безбедна исто како и Грција. Според семафорот, безбедни се и САД и Турција. Патување не се препорачува во Израел. Според проценките на српското министерство, Македонија е безбедна за патување.