Тајванските фабрики за чипови нема целосно да се преселат во САД, туку ќе инвестираат во американски производствени капацитети како дел од новиот трговски договор меѓу двете земји, додека најнапредните технологии и клучните центри за истражување и развој ќе останат на островот.
Ова го изјави претседателот на Тајван, Лаи Чинг-те, по потпишувањето на реципрочниот трговски договор со Соединетите Американски Држави.
250 милијарди долари инвестиции
Според договорот, тајванските компании самостојно ќе инвестираат околу 250 милијарди долари во американскиот сектор за полупроводници, енергетика и вештачка интелигенција.